*ကြွေးပေးသူနှင့် ကြွေးယူသူ အမေးအဖြေ ရှင်းလင်းချက်*

ဒီပိုစ်လေးကတော့ ကျွန်တော် 10.6.2011 ရက်နေ့က အွန်လိုင်းတွင် သူငယ်ချင်းတစ်ယောက်နဲ့ စကားပြောရင်း သူငယ်ချင်းက သူ့စိတ်ထဲမှာ မရှင်းလင်းတာလေး သိချင်လို့တဲ့။ အဲဒါ ငါ နင့်ကို မေးလို့ရလားလို့ မေးပါတယ်။ ကျွန်တော်လည်း အေး ရပါတယ်ဟ။ ငါသိရင်တော့ ဖြေပေးတာပေါ့လို့ ပြန်ပြောလိုက်ပါတယ်။ သူမေးခွန်းကို ကျွန်တော် သိသလောက်တော့ ရှင်းပြပါတယ်။ သူက ပိုပြီးတော့ စိတ်ထဲမှာ ရှင်းရှင်းလင်းလင်းသိချင်တော့ နင် ဆရာတော်တွေကို မေးလျှောက်ပေးပါလားလို့ ပြောပါတယ်။ အေး ခနနေအုံး သူငယ်ချင်း ငါ မေးလျှောက်ပေးမယ်ဆိုပြီး အွန်လိုင်းတွင် ဆရာတော်သီတဂူစတားကို ဒီမေးခွန်းလေးကို ဆရာတော်၏ အမြင်လေးနဲ့ ရှင်းလင်းအောင် အဖြေလေးသိချင်ပါတယ်ဆိုပြီး ကျွန်တော် မေးလျှောက်ခဲ့ပါတယ်။

သူငယ်ချင်း မေးတဲ့ မေးခွန်းက ဒီလိုဖြစ်ပါတယ်။

မြန်မာလူမျိူးတွေ မှာသူများအကြွေးကိုယူမိပြီး ပြန်မဆပ်ရင်ပေါ့နော်။ အဲ့သူဆီ သံသရာကြွေးအနေနဲ့ နောင်ဘ၀မှာ နွားတို့ဘာတို့အဖြစ်နဲ့ ပြန်ဆပ်ကြရတယ်လေ။ အဲ့ဒါကို သိတယ် လက်လည်းခံတယ်။ အကြွေးယူသွားတယ် အဲ့ဒါကို ယူတဲ့သူကမေ့နေတယ် ပြန်ဆပ်ဖို့ အကြွေးရှင်ကလည်း မှတ်မိပေမယ့် သူ့အဲဒီ အကြွေးကို မယူပေးချင်တော့ဘူး ငါ့ဆီလည်း သံသရာကြွေး လာမဆပ်နဲ့တော့ရယ်လို့ သူ့ဘာသာသူ ယူတဲ့သူမသိဘဲ ဆုံးဖြတ်ထားပြီး မတောင်းတော့ဘူးဆိုရင် ယူထားသူက အဲဒီ ပိုက်ဆံအတွက် သံသရာကြွေး ပြန်လာဆပ်ရသေးလားဆိုတာကို ငါ ရှင်းရှင်းလင်းလင်း သိချင်လို့ပါ။

ဆရာတော်က သူငယ်ချင်းမေးတဲ့ မေးခွန်းလေးကို ဒီလိုဖြေကြားထားပါတယ်။

စာမှာတော့ အကြွေးနဲ့ပတ်သက်ပြီး ရဟန်းတွေကိုပဲ ဟောထားတာတွေ့ရတယ် စာလိုတော့ ဣဏပရိဘောဂ ပေါ့ ဥပမာဆိုပါဆို့- ရဟန်းတွေဟာ ဒကာဒကာမတွေ လှူတာ စားနေကြရတယ် ဒါအကြွေးပဲ အဲဒီအကြွေးမတင်အောင် စာခါနီး မေတ္တာပို့ခြင်း ဆင်ခြင်ခြင်း နည်းစနစ်ကို ဘုရား ချမှတ်သွားတယ်။ ယူတဲ့သူက မေ့နေတယ်၊ ဒါပေမဲ့ အကြွေးရှင်ကိုယ်တိုင်က ပေးစရာ မလိုတော့ဘူးဆိုတဲ့သဘော ဆုံးဖြတ်ထားတော့ အကြွေးမတင်ဘူးလို့ပဲ ယူဆပါတယ်။

မနော ပုဗ္ဗင်္ဂမာ မနော သေဋ္ဌာ ဆိုတဲ့

စာအလိုပေါ့ စိတ်သာလျှင် အဓိကပါ

ယူတဲ့သူက အကြွေးမပေးတော့ဘူးလို့ စိတ်စေတနာဆိုးမပါ သလို အကြွေးရှင်ကလဲ စိတ်နဲ့ ပေးစရာမလိုဟု ဆုံးဖြတ်ထားရကား အကြွေးမရှိဟု ယူဆနိုင်ပါတယ်။

ဆက်လက်ပြီး ဆရာတော်နဲ့ ကျွန်တော် မရှင်းလင်းတာလေးတွေကို မေးလျှောက်ခဲ့ပါတယ်။

တောသားလေး: မှန်ပါ့ဘုရား သူက အဲဒါ မရှင်းဖြစ်နေတာဘုရား။

သီတဂူစတား: ဆိုလိုတာက အကြွေးယူသူက အကြွေးဆပ်မယ်လို့ စိတ်ထဲမှာ ရှိပြီးသားလေ မဆပ်သေးတာဘဲ ရှိတာ။

တောသားလေး: မှန်ပါ့ဘုရား။

သီတဂူစတား: မေ့လျော့နေပေမယ့် သတိရတဲ့အချိန် ပြန်ဆပ်မယ်ပေါ့။ ဒီလိုခံယူထားတာဆိုတော့ အကြွေးယူသူသန္တာန်မှာ အပြစ်မရှိဘူးလို့ ယူဆပါတယ်။

တောသားလေး: မှန်ပါ့ဘုရား။

သီတဂူစတား: မဆက်တော့ဘူးလို့ စိတ်က ဆုံးဖြတ်ချက်ချလိုက်ရင်တော့ သူ့အကြွေး သံသရာတကွေ့မှာ ပြန်ဆက်ရမယ်ပေါ့။ ဒါကလဲ ခိုးခြင်း လိမ်ညာခြင်းတမျိုးပဲလေ သူ့စိတ်က ပြန်ပေးမယ်လို့ ယူဆထားသရွေ့ အပြစ်မရှိဘူးလို့ပဲ ယူဆပါတယ်။

တောသားလေး: မှန်ပါ့ဘုရား။

သူစိတ်က ဒီဘ၀ သေသွားလို့ မဆပ်ဖြစ်တောင် နောက်ဘ၀မှာ ကြုံရင် ပြန်ဆပ်တာ ကျတော့ရော ဘုရား။

သီတဂူစတား: ဟုတ်တယ်။

တောသားလေး: အပြစ်အတွက် မဟုတ်ဘူးပေါ့နော် သူဘာသာ အခိုက်မသင့်လို့ သက်တမ်းအရ သေသွားခဲ့သော် အကြွေးတွေကလည်း ဆပ်မယ်ဆိုပြီး မဆပ်ခဲ့ရရင် သံသရာတော့ပါမှာပေါ့နော် ဘုရား။

သီတဂူစတား: သူက အပြစ်ကျူးလွန်တာ မဟုတ်သည့်အတွက် နောက်ဘ၀အထိ မရောက်ပါဘူး။

တောသားလေး: မှန်ပါ့ဘုရား။

သီတဂူစတား: ယူသူစိတ်ထဲမှာ ပြန်ပေးမယ် ဆိုတဲ့ ဆန္ဒရှိနေတယ်၊ သူ့စိတ်ဖြူစင်တယ်၊ ဒါ့ကြောင့် နောက်ဘ၀အထိ အဲဒီအကြွေး မရောက်နိုင်ဘူးလို့ ထင်ပါတယ်။

တောသားလေး: မှန်ပါ့ဘုရား။

သီတဂူစတား: နောက်ဘ၀အထိ အကျိုးပေးတယ်ဆိုတာ စာလို ပြောရင် ကမ္မပထမြောက်မှလေ။

တောသားလေး: မှန်ပါ့ဘုရား။ သူမေးခွန်းထဲကလို နွားအဖြစ်တို့ ဘာတို့ ပြန်ဆပ်ရတာကျတော့ ဘယ်လို အပြစ် ဖြစ်သွားတာလဲ ဘုရား။

သီတဂူစတား: ကမ္မပထဆိုတာ သူတစ်ပါး ဒုက္ခရောက်အောင် လွန်ကျူးခြင်းပေါ့၊ စာလိုတော့ အတ္ထဘဉ္စန ပေါ့။

တောသားလေး: မှန်ပါ့ဘုရား။

သီတဂူစတား: ဒါက ပြန်မဆပ်ဘူးဆိုတဲ့ အလိုဆိုး စိတ်ဆိုးတွေကြောင့်ပါ။

တောသားလေး: ရွာတွေမှာလည်း ငါအကြွေးမဆပ်ရင် ငါအိမ်မှာ ဘာဖြစ် ညာဖြစ်ဆိုပြီး ဒေါသနဲ့ ပြောကြတာတွေ ကြားဖူးတယ်ဘုရား။ အဲဒါတွေကြောင့်လား ဘုရား။

သီတဂူစတား: ဒါက အကြွေးရှင်က မကျေနပ်တာလေ။

တောသားလေး: မှန်ပါ့ဘုရား။

သီတဂူစတား: အခုဟာက ၁။ အကြွေးရှင်က ကျေနပ်ခြင်း၊ ၂။ ယူသူကလဲ အလိုဆိုး မရှိခြင်း ဒီနှစ်ချက်တည်းနဲ့တင် ဘုန်းဘုန်းအလိုပေါ့ အပြစ်မရှိ နောက်ဘ၀အထိ ဆက်စရာ မလိုဟု ယူဆပါတယ်။

တောသားလေး: ဆပ်ချင်တဲ့ စိတ်ရှိတဲ့သူကတော့ ဆပ်ကို ဆပ်မှာဘဲ အပြစ်မရှိဘူး အကယ်၍ မဆပ်ချင်ဘဲ ရှောင်ပုန်းနေရင်တော့ အပြစ်ဖြစ်မှာဘဲ အဲလိုပေါ့ဘုရား။

သီတဂူစတား: အကြွေးဆက်ရတယ်ဆိုတာ အဲဒီ ၂ ချက် တစ်ခုခု ညှိနေလို့ပဲ။

တောသားလေး: မှန်ပါ့ဘုရား။

သီတဂူစတား: နားလည်နိုင်တဲ့ သူကို ထပ်မေးကြည့်ပေါ့ အဖြေတမျိူးထွက်လာနိုင်တယ်။

တောသားလေး: မှန်ပါ့ဘုရား။

သီတဂူစတား: အယူအဆ မတူနိုင်ဘူးပေါ့ အဲဒီအထဲကမှာ ကိုယ်ကြိုက်တာ ယူပေါ့။

တောသားလေး: မှန်ပါ့ဘုရား။ တပည့်တော် အခုလို ရှင်းရှင်းလင်းလင်း သိရတဲ့အတွက် အရှင်ဘုရားကိုလည်း ကျေးဇူးတင်ပါတယ် ဘုရား။ သူငယ်ချင်းကလည်း သူစိတ်ထဲမှာ ရှင်းသွားပါပြီ ဘုရား။ အရှင်ဘုရားကို တပည့်တော် ရိုသေစွာ ရှိခိုးကန်တော့ လိုက်ပါတယ်ဘုရား။

အားလုံး ကြွေးယူတော့ပြုံး၊ ကြွေးတောင်းတော့ အမုန်းများ မပွားမိအောင် ဆင်ခြင်နိုင်ကြပါစေ။

အားလုံးသော ဓမ္မမိတ်ဆွေများ ကိုယ်စိတ်နှစ်ဖြာ ကျန်းမာချမ်းသာကြပါစေ။

တောသားလေး

Read more »

Posted in: အမေးအဖြေ

*သံသရာ*

သံသရာဟူသည် တစ်ဘ၀မှ တစ်ဘ၀ တပြောင်းပြန်ပြန် အဖန်ဖန် အထပ်ထပ် အဆက်မပြတ် ဖြစ်ပျက်ခြင်းပင် ဖြစ်ပါသည်။ အဌသာလိနီအဌကထာ၌လည်း “ခန္ဓာ အာယတန ဓာတ်တရားတို့၏ အဆက်မပြတ်သော ဖြစ်စဉ်သည် သံသရာမည်၏” ဟု ဖော်ပြထားပါသည်။

ဤတွင် သတိပြုစရာ ရှိလာ၏။ သတ္တ၀ါတို့သည် ဤသို့ သံသရာလည်ပတ်ကြရာ၌ “ဤဘ၀ ဤဘုံမှ ရုပ်နာမ်ကပင် ထိုဘ၀ ထိုဘုံ၌ ပြောင်းရွှေ့ဖြစ်ပျက်၏” ဟု မစွဲယူသင့်ခြင်း ဖြစ်သည်။ ထိုသို့ စွဲယူပါက သဿတဒိဌိ (မြဲ၏ဟူသော အမှားများ) ဖြစ်လိမ့်မည်။ တစ်ဖန် “ဤဘ၀ ဤဘုံမှ ရုပ်နာမ်သည် ဤဘ၀ ဤဘုံမှာပင် သေကျေ ကင်းပြတ်၏၊ နောက်ဘ၀ နောက်ဘုံနှင့် ဘာမျှမသက်ဆိုင်” ဟု စွဲယူပြန်လျှင်လည်း ဥစ္ဆေဒဒိဌိ (သေလျင်ပြတ်၏ ဟူသော အယူမှား) ဖြစ်လိမ့်ဦးမည်။ မြတ်ဗုဒ္ဓကား ယင်းအယူအဆနှစ်ခုတို့၏ အကြားမှာ အကြောင်းကြောင့် အကျိုးဖြစ်ပေါ်ခြင်းကိုသာ ညွန်ပြတော်မူလေသည်။

ဤအကြောင်းနှင့် ပတ်သက်၍ ဤဘ၀ ဤဘုံမှ ရုပ်နာမ်တစုံတရာက မပြောင်းရွှေ့ဘဲ ဟိုဘ၀ ဟိုဘုံ၌ ပဋ္ဋိသန္ဓေ နေနိုင်ပုံကို မိလိန္ဒပဥှာတွင် ဤသို့ ပြဆိုထား၏-

အရှင်နာဂသေန။ ။မင်းမြတ်- ဥပမာကား တစ်စုံတယောက်သော ယောင်္ကျားသည် မီးတိုင်တစ်ခုမှ မီးတိုင်တစ်ခုကို ညှိထွန်း၏။ မင်းမြတ် အသို့နည်း၊ ထိုမီးသည် ထိုမီးတိုင်မှ ပြောင်းရွှေ့သွားသလော?

မိလိန္ဒမင်း။ ။အရှင်ဘုရား- မပြောင်းရွှေ့ပါ။

အရှင်နာဂသေန။ ။မင်းမြတ်- ဤအတူပင် ဤဘ၀မှ တစုံတရာ မပြောင်းရွှေ့ဘဲ ပဋ္ဋိသန္ဓေဖြစ်၏။

မိလိန္ဒမင်း။ ။ထို့ထက် အလွန် ဥပမာ ပြုပါဦးလော့?

အရှင်နာဂသေန။ ။မင်းမြတ်- သင်မင်းမြတ်သည် ငယ်စဉ်က ကဗျာဆရာထံမှ တစုံတခုသော ကဗျာကို သင်ဖူးကြောင်း မှတ်မိပါ၏လော?

မိလိန္ဒမင်း။ ။အရှင်ဘုရား- မှတ်မိပါ၏။

အရှင်နာဂသေန။ ။မင်းမြတ်-အသို့နည်း၊ ထိုကဗျာသည် ဆရာ့ထံမှ ပြောင်းရွှေ့လာသလော?

မိလိန္ဒမင်း။ ။အရှင်ဘုရား-မပြောင်းရွှေ့ပါ။

အရှင်နာဂသေန။ ။မင်းမြတ်-ဤအတူသာလျှင် ဤဘ၀မှ တစုံတရာ မပြောင်းရွှေ့ဘဲ ဟိုဘ၀၌ ပဋ္ဋိသန္ဓေစွဲယူ၏။

သို့ဖြစ်၍ တစ်ဘ၀မှ တစ်ဘ၀သို့ ပြောင်းရွှေ့၍ သံသရာလည်ပတ်ရာတွင် ဤဘ၀ ဤဘုံမှ ရုပ်နာမ်နှင့် ဟိုဘ၀ ဟိုဘုံမှ ရုပ်နာမ်သည် ထပ်တူထပ်မျှ လုံးဝတူသည်လည်းမဟုတ်၊ တကွဲတပြား လုံးဝခြားနားသည်လည်း မဟုတ်၊ နွားနို့မှ နို့ဓမ်းစသည် ဖြစ်ရာတွင် နို့ဓမ်းသည် နွားနို့မဟုတ်သော်လည်း နွားနို့နှင့် အကြောင်းမကင်းသကဲ့သို့ ထို့အတူပင် ဤဘ၀ ဤဘုံမှ ရုပ်နာမ်အကြောင်းကြောင့် ဟိုဘ၀ဟိုဘုံမှ ရုပ်နာမ်အကျိုးတရား ဖြစ်ပေါ်လာရခြင်း ဖြစ်သည်။

ဤသို့ တစ်ဘ၀မှ တစ်ဘ၀ ပြောင်းရွှေ့ဖြစ်ပျက်ရာ၌ သံသရာခရီးကား ရှည်ဝေးကြာမြင့်လွန်းလှ၏၊ သမုဒ္ဒရာသည် ဆုံးစမမြင် ကျယ်ပြန့်သလိုပင် သံသရာသည်လည်း ဆုံးစမမြင် အလွန်ပင် ရှည်လျားလှပါ၏၊ သံသရာဟူသော သမုဒ္ဒရာ၏ အနားရေးကမ်းစကို ဘယ်မှာ စတင်ခဲ့ကြောင်း မသိနိုင်ပေ၊ သံသရာ၏ ရှေ့ဖျား အနားရေး အစကား နှစ်ပေါင်း ရာထောင် စသည်ကြာခဲ့ပြီ၊ ကမ္ဘာပေါင်း ရာထောင် စသည် ရှည်ခဲ့ပြီ၊ “ဤမင်း ဤဘုရားလက်ထက်က စတင် ဖြစ်ခဲ့သည်၊ ထိုကာလ၏ ရှေးက စတင် မဖြစ်ပေါ်ခဲ့သေး” ဟု ခေတ်ကာလကို သတ်မှတ်၍ မရနိုင်။ ထို့ကြောင့် “သမုဒ္ဒရာ အသွင် သံသရာခွင်” (သံသာရ သာဂရ) ဟု ဖွင့်ဆိုကြခြင်း ဖြစ်ပါ၏။

သာသနာရေး ၀န်ကြီးဌာန သာသနာတော် ထွန်းကားပြန့်ပွားရေးဦးစီးဌာနမှ ထုတ်ဝေသော ဗုဒ္ဓဘာသာကောင်းတစ်ယောက် စာအုပ်မှ ပြန်လည် ကူးယူပြီး ဖော်ပြလိုက်ခြင်းဖြစ်ပါတယ်။

အားလုံးသော ဓမ္မမိတ်ဆွေများ ကိုယ်စိတ်နှစ်ဖြာ ကျန်းမာချမ်းသာပြီး လိုရာပန်းတိုင် လျှောက်လှမ်းနိုင်ကြပါစေ။

တောသားလေး

Read more »

Posted in: သိမှတ်ဖွယ်ရာဓမ္မစာပေများ

*ရဟန်းသံဃာတော်များအား စားသောက်ဖွယ်ရာများကပ်လှူနည်း*

လူပုဂ္ဂိုလ်တစ်ဦးတစ်ယောက်က ဆွမ်းစသော စားသောက်ဖွယ် ပစ္စည်းတို့ကို ရဟန်းသံဃာတော်တို့၏ လက်သို့ ထိအောင် ရောက်အောင် ပေးခြင်းကို ကပ်လှူသည်ဟု ခေါ်သည်။ ယင်းသို့ ကိုယ်ထိလက်ရောက် ပေးလှူခြင်းကို ကပ်လှူသည်ဟု အတိုကောက် သုံးနှုန်း၏။
ယင်းသို့ ကပ်လှူရာ၌ အင်္ဂါ (၅)မျိုးနှင့် ပြည့်စုံမှ ကပ်လှူမှု ထမြောက် အောင်မြင်ပါသည်။ အင်္ဂါ ငါးမျိုးနှင့် ပြည့်စုံအောင် ပေးလှူခြင်းကို အကပ်မြောက်သည်ဟု အတိုကောက် သုံးနှုန်း၏။
၁။ ကပ်လှူမည့်သူက ကပ်လှူခြင်း ခံယူမည့် ရဟန်း၏ လက်သို့ ရောက်အောင် ထိအောင် စားဖွယ်ပစ္စည်းကို ရှေးရှုဆောင်ပေးခြင်း၊

၂။ ကပ်လှူမည့်သူသည် ကပ်လှူခြင်း ခံယူမည့်ရဟန်း၏ နှစ်တောင်ထွာအတွင်း ရောက်ရှိနေရခြင်း

၃။ အားအလတ်စားရှိသူ တစ်ယောက်တည်း မြှောက်ချီ မ-ယူနိုင်သော ပစ္စည်းဝတ္ထု ဖြစ်စေရခြင်း။

မှတ်ချက်။ ။ ဆွမ်းနှင့် ဆွမ်းဟင်းပန်းကန်များ တင်ထားသော စားပွဲခုံသည် ခွန်အား အလတ်စားရှိသူ တစ်ယောက်တည်း မြှောက်ချီ မ-ယူနိုင်ပါက နှစ်ယောက်သုံးယောက် ၀ိုင်းဝန်းမြှောက်ချီ မ-ယူ၍ ဆပ်ကပ်မှုမျိုးသည် အကပ်မြောက်ပါသည်။ အလှူရှင်များ အတူတကွ မ-ယူ ကပ်လှူနိုင်သည်။

၎။ ကိုယ်ဖြင့်ဖြစ်စေ၊ ကိုယ်နှင့်စပ်သော (ကိုင်ထားသော) ခွက် စသည်ဖြင့်ဖြစ်စေ အနီးကပ် ပစ်၍ဖြစ်စေ ဤသုံးမျိုးတွင် တစ်မျိုးမျိုးဖြင့် ကပ်လှူသူက ပေးခြင်း၊

မှတ်ချက်။ ။ ပစ်၍ ပေးခြင်းမျိုးကား ရိုင်းစိုင်းရာ ရောက်သောကြောင့် အကပ်မြောက်သော်လည်း ကပ်လှူလေ့ မရှိပါ။

၅။ ကိုယ်၏ အစိတ်အပိုင်း လက်စသည်ဖြင့် ဖြစ်စေ၊ ကိုယ်နှင့်စပ်သော (ကိုင်ထားသော) ခွက်၊ တုတ် စသည်ဖြင့် ခံ၍ ထိ၍ ဖြစ်စေ ဤနှစ်မျိုးတွင် တစ်မျိုးမျိုးဖြင့် အကပ်ခံရသော ရဟန်းက ခံယူခြင်း။

ဤငါးမျိုးနှင့် ပြည့်စုံညီညွတ်အောင် ကပ်လှူရသော အကပ်မြောက်ပါသည်။

ဤသို့ စားသောက်ဖွယ်များကို ရဟန်းသံဃာတော်များအား ကပ်လှူရာ၌ အမျိုးသမီးဖြစ်ပါက ကြုံကြုံကလေးထိုင်၍၊ အမျိုးသားဖြစ်ပါက ဒူးတုပ်ထိုင်ပြီး ဖော်ပြခဲ့ပြီးသော အင်္ဂါငါးမျိုးနှင့် ပြည့်စုံညီညွတ်အောင် ရိုသေလေးစားစွာ ကပ်လှူရပါမည်။ သက္ကစ္စဂါရ၀ မြောက်ရပါမည်။ သို့မှသာ လူနတ်နိဗ္ဗာန် သုံးတန်ရောက်ကြောင်း အကျင့်ကောင်းဖြစ်၍ မွန်မြတ်သော ကောင်းကျိုးကို ရရှိနိုင်မည် ဖြစ်ပါသည်။

အကျဉ်းချုပ်-

• ရှေ့ရှုဆောင်ခြင်း၊
• နှစ်တောင့်ထွာအတွင်း ဖြစ်ခြင်း၊
• တစ်ယောက် မ-နိုင်ခြင်း၊
• လက်ဖြင့် သို့မဟုတ် ပန်းကန်စသည်ဖြင့် ထည့်၍ ကပ်ခြင်း၊
• ရဟန်းက အကပ်ခံခြင်း။

သာသနာရေးဝန်ကြီးဌာန သာသနာတော် ထွန်းကားပြန့်ပွားရေးဦးစီးဌာနမှ ထုတ်ဝေသော ဗုဒ္ဓဘာသာကောင်းတစ်ယောက် စာအုပ်မှ ပြန်လည် ကူးယူပြီး ဖော်ပြလိုက်ခြင်းဖြစ်ပါတယ်။

အားလုံးသော ဓမ္မမိတ်ဆွေများ ကိုယ်စိတ်နှစ်ဖြာ ကျန်းမာချမ်းသာပြီး လိုရာပန်းတိုင် လျှောက်လှမ်းနိုင်ကြပါစေ။

တောသားလေး

Read more »

Posted in: သိမှတ်ဖွယ်ရာဓမ္မစာပေများ

*ပညာ*

မြတ်စွာဘုရားရှင်က “ပညာသမာ အာဘာ နတ္ထိ” ပညာနှင့်တူသော အလင်းရောင်မရှိ” ဟု ဟောကြားတော်မူခဲ့ပါတယ်။ ပညာဆိုတဲ့ ဝေါဟာရမှာ လောကီပညာနဲ့ လောကုတ္တရာပညာ ဆိုပြီး နှစ်မျိုး ရှိပါတယ်။ ကျွန်တော် အခုပြောပြမယ့် ပညာကတော့ လောကီပညာပဲ ဖြစ်ပါတယ်။ နောက်တစ်နည်း ပြောရရင်တော့ အတတ်ပညာ ကို ဆိုလိုခြင်း ဖြစ်ပါတယ်။

ကျွန်တော်တို့တွေ အားလုံးက ပညာဟုဆိုလျှင် အတန်းပညာ ဘွဲ့တွေကို ပြေးမြင်မိကြပါတယ်။ အဆင်မြင့် ပညာတွေ တတ်မြောက်ပြီး ဘွဲ့တွေတန်းစီရခြင်းဟာ ပညာပြည့်စုံပြီဟု မဆိုနိုင်သေးပါ။ တချို့တွေက ဘွဲ့လေးတစ်ခုရပြီ ဆိုရင် ကျောင်းပြီးပြီ ပညာတတ်ပြီ လို့ ကိုယ့်ကိုယ်ကို ထင်မိကြတယ်။

ဥပမာ - ကျွန်တော်ဟာ ဘွဲ့ရပညာတတ် တစ်ယောက်ဆိုပြီး ကိုယ့်ကိုယ်ကို မာန်မာနတက်ကာ ရွာထဲမှာ တခြားသူတွေကို ရှိတယ်လို့ မထင်ဘဲ မူးယစ်သောင်းကျန်း ကိုယ်ထင်ရာ ကိုယ်လုပ်နေမယ် ဆိုရင် တခြားသူတွေက “ဟာ ဒီကောင်လေး တက္ကသိုလ်မှာ ပညာတွေသင်လာပြီး ကျောင်းတွေအများကြီး တက်ခဲ့ပြီး လေ့လာ သင်ကြားခဲ့တာတွေဟာ ဒီလိုဘဲလား” လို့ ဝေဖန်လာကြလိမ့်မယ်။ အဲဒီလိုမျိုးတွေ မဖြစ်အောင် အဆိုးအကောင်း အမှားအမှန်ကို ဝေဖန်ပိုင်းခြား ခွဲခြမ်းပြီး အမှန်အတိုင်း သိရှိနိုင်ခြင်းကို ပညာဟု ခေါ်ဆိုခြင်းဖြစ်ပါတယ်။

အဲဒီ ပညာကတော့ အသိဉာဏ်ပညာနဲ့ သက်ဆိုင်နေတဲ့ အတွက် လောကုတ္တရာ ပညာ ဖြစ်ပါတယ်။ တစ်နည်းပြောရရင် အသိပညာလို့ ဆိုလိုတာပါ။

သိပ္ပံပညာ၊ ၀ိဇ္ဇာပညာ၊ လက်မှုပညာနဲ့ ပညာရပ်မျိုးစုံကို တတ်မြောက်ထားတဲ့ သူတွေကို ပညာတတ် ဆိုပြီး ယေဘုယျအားဖြင့် ခေါ်ဆိုနိုင်ကြပါတယ်။ ကန့်ကွက်စရာတော့ မရှိပါ။ ဒါပေမယ့် အမှားအမှန်ကို ဝေဖန်ပိုင်းခြားနိုင်တဲ့ အသိဉာဏ်သည်သာ တကယ့် ပညာအစစ်အမှန် ဖြစ်ပါတယ်။

အဲဒီ ကျောင်းသင်ပညာရပ်များကို သင်ကြားခွင် မရခဲ့တဲ့ သူများအတွက်လည်း စိတ်ပျက်အားငယ်ခြင်း မရှိဘဲ ဘွဲ့ရမှ ပညာတတ်ဆိုတဲ့ အတွေးအခေါ်တွေ ကိုလည်း ခေါင်းထဲကနေ ထုတ်ထားကြစေချင်ပါတယ်။ ကျွန်တော်တို့ ယနေ့ခေတ် အသုံးပြုနေကြတဲ့ မီးသီး မီးလင်းလာအောင် တီထွင်ပေးခဲ့သူ သောမတ်စ်အက်ဒီဆင်နဲ့ တခြား ကမ္ဘာကျော် ပုဂ္ဂိုလ်တွေလည်း ကျောင်းစာတော်ခဲ့ ကြသူများ မဟုတ်ပါ။ သူတို့ရဲ့ ဇွဲ၊ လုံလ၊ ၀ိရိယ တို့ကို တတ်သိ နားလည်စွာနဲ့ တန်ဖိုးရှိရှိ လက်တွေ့ အသုံးချ ပြုလုပ်ခဲ့ကြတာ ဖြစ်ပါတယ်။

ကျွန်တော် ဘာပြောချင်တာလဲဆိုတော့ ခုခေတ် မိဘတွေအများစုက မိမိတို့ရဲ့ သားသမီးများကို အမှတ်တွေအပြည့်နဲ့ အဆင့် နံပါတ် တစ်ကိုရအောင်၊ ထိပ်ဆုံးရောက်အောင်ဆိုပြီး အပြိုင်အဆိုင် ကျောင်းထားကြခြင်း ဖြစ်ပါတယ်။ အဲဒါတွေဟာ ကလေးတွေကို ပုံမှန်ထက်ပိုပြီး အရွယ်နဲ့ မလိုက်အောင် အတင်းရိုက်သွင်း နေကြတာ ဖြစ်တဲ့အတွက် ငယ်ငယ်ရွယ်ရွယ်နဲ့ ကလေးတို့ရဲ့ လွတ်လပ်တဲ့ ဘ၀ကို ဆုံးရှုံးစေပါတယ်။

ကလေးက ကျောင်းက သင်ပေးလိုက်တဲ့ အတိုင်း “ကျွန်တော်၏ အဖေအမည်မှာ ဦးဘ ဖြစ်ပါသည်” ဆိုပြီး အလွတ်ကျက် ပြန်ဆိုနေတဲ့ အဖြစ်မျိုး စာပေဟောပြောပွဲ တစ်ခုမှာ ဆရာအော်ပီကျယ် ဟောပြတာ ကျွန်တော် နားထောင်ခဲ့ဖူးပါတယ်။ ကျွန်တော်တို့တွေ ငယ်စဉ်ကလည်း အဲဒီလိုပါပဲ။ ကြက်တူးရွေး စာကျက်သလို ကျက်ပြီး ပြန်အံ ရွက်ဖတ်နေကြတာ ဖြစ်ပါတယ်။ အဲဒီလို ကျက်တူးရွေး ကျက်ပြီး ပြန်အံ ရွက်နေတာဟာ ကျွန်တော်တို့ရဲ့ ခေါင်းထဲကို ဘာမှ ၀င်မလာတော့ဘူး ဖြစ်နေတယ်။ တကယ်လို့ ဆရာက အဲဒီအထဲက မေးခွန်းလေးတစ်ခု ကောက်မေးလိုက်ရင် အိုးတိုးအတနဲ့ ဘာဖြေရမှန်းမသိ ဘယ်နေရာမှာ ဘာရှိမှန်းမသိ ဖြစ်သွားတတ်ပါတယ်။ ကိုယ်ပိုင် တွေးခေါ်တတ်တဲ့ဉာဏ် အမှားအမှန်ကို ခွဲခြားတတ်တဲ့ဉာဏ် မရှိတော့ပါဘူး။ အဲဒါတွေကို ခွဲခြားဝေဖန်နိုင်စွမ်းရှိအောင် ပြုလုပ်မှသာ တကယ် တတ်သိ နားလည်တဲ့ ပညာ ဖြစ်လာမှာ ဖြစ်ပါတယ်။

ကျွန်တော်တို့ တက္ကသိုလ်ဝင်တန်း စာမေးပွဲတွေ ဖြေဆိုတဲ့အခါ မြန်မာစာစီစာကုံး၊ အင်္ဂလိပ်အက်ဆေးတွေ သင်္ချာပုစ္ဆာတွေကို ကြက်တူးရွေးကျက် ကျက်ပြီး ဖြေဆိုလေ့လာလို့ မရပါဘူး။ ကံကောင်းလို့ ကိုယ်ကျက်ထားတာနဲ့ တိုးရင် တိုးမယ်။ ဒါပေမယ့် ဂုဏ်ထူးမှတ်ကိုတော့ ဘယ်လိုမှ မရနိုင်ပါဘူး။ ကျောင်းသားတစ်ယောက် သင်္ချာတွေကို အလွတ်ကျက်ဖြေရင် မေးခွန်းလွှဲလိုက်တာနဲ့ အဲဒီကလေး ပျာယာခတ်သွားပြီး ဘယ်လိုဆုံးဖြတ်ရမှန်း မသိဖြစ်သွားတတ်ပါတယ်။ အဲဒါဟာ တကယ့်လက်တွေ့ တတ်သိခြင်း မရှိတဲ့အတွက် ဖြစ်ပါတယ်။

မြတ်စွာဘုရားရှင်က ကာလာမသုတ်တော်တွင်-

အယူအမျိုးမျိုးရှိကြသော ဆရာကြီးတို့ရဲ့ အယူဝါဒဖြန့်ဝေမှုကြောင့် ဟိုလူပြောတာ ဟုတ်နိုးနိုး၊ ဒီလူပြောတာ ဟုတ်နိုးနိုးဖြစ်နေကြတဲ့ ကာလာမ အမျိုးသားတို့ကို မြတ်စွာဘုရားရှင်က “နားထောင်ကြ ကာလမ အမျိုးသားတို့-

၁။ ကလေးဘ၀မှစ၍ ကြားနာ မှတ်သားခဲ့ရခြင်းဖြင့်လည်း “ဟုတ်တယ်၊ မှန်တယ်” ဟု အစွဲအမြဲမယူကြနှင့်။

၂။ မိဘ၊ ဘိုးဘွားစသည်တို့မှ ဆင်းသက်၍ (ပရံပရ=အဆက်ဆက်) မှတ်ယူလုပ်ကိုင်ရိုး ဖြစ်၍လည်း အစွဲအမြဲ မှတ်ယူမထားနှင့်။

၃။ “ဣတိကိရ=ဒီဟာကဒီလိုတဲ့” ဟု အခြားတစ်ယောက်က ပြောလိုက်ရုံမျှဖြင့်လည်း အမြဲအစွဲ မှတ်ယူမထားကြနှင့်။

၎။ “ဒီအယူအဆသာ ငါတို့ သင်အပ်သော ကျမ်းစာနှင့်ညီတယ်” ဟု မိမိတို့ ကျမ်းစာနှင့် ညီနေရုံမျှဖြင့်လည်း အတည်တကျ မှတ်ယူမထားကြနှင့်။

၅။ မိမိဘာသာ ကြံစည်အပ်သောအရာကိုလည်း “ဟုတ်လှပြီ၊ မှန်လှပြီ” ဟု အမြဲအစွဲ ယူမထားကြနှင့်။

၆။ အခြားနေရာ (အခြားနိုင်ငံ) တို့၌ သူတစ်ပါးတို့ လုပ်နည်းကိုင်နည်းကို သဘောကျ၍လည်း ဤနေရာ၌ သင့်တော်လှပြီဟု အမြဲအစွဲယူမထားကြနှင့်။

၇။ တစ်စုံတစ်ခုပြုဖို့ရန် အကြောင်းအထောက်အထားကို စဉ်းစားရာဝယ် အထောက်အထားကောင်းကိုရ၍ သဘောကျသဖြင့်လည်း အမြဲအစွဲမယူကြနှင့်။

၈။ “သူပြောအပ်သော အယူဝါဒသည် ငါတို့ စဉ်းစားကျေနပ်ထားသော အယူနှင့် ညီမျှပေသည်ဟု အယူဝါဒချင်း တူမျှယုံဖြင့်လည်း အမြဲအစွဲမယူကြနှင့်။

၉။ “ဤရသေ့၊ ရဟန်းကား ယုံကြည်ထိုက်သော အထက်တန်းစား ပုဂ္ဂိုလ်တည်း၊ ဒီလိုပုဂ္ဂိုလ်၏ စကားကို လေးလေးစားစား မှတ်သားထိုက်သည်ဟု” လည်းစွဲစွဲမြဲမြဲ မှတ်ယူမထားကြနှင့်။

၁၀။ “ဤရသေ့ ရဟန်းကား ငါတို့ ကိုးကွယ်အပ်သော ဆရာဖြစ်၏။ ငါ့ဆရာစကားကို ငါမှတ်သားသင့်သည်” ဟု လည်း စွဲစွဲမြဲမြဲ မှတ်ယူမထားကြနှင့်။

ကာလမအမျိုးသားတို့၊ “ဤအကျင့်တွေသည် ကောင်းလည်းမကောင်း၊ အပြစ်လည်းမကင်း၊ ပညာရှိကဲ့ရဲ့ စကားလည်းဖြစ်၏။ ထိုအကျင့် အကြံအလုပ်အကိုင်ကို ပြုလိုက်လျှင် စီးပွားမဲ့ ဒုက္ခရောက်ဖို့ ဖြစ်၏” ဟု ကိုယ်တိုင် နားလည်လာသောအခါ ထိုအကျင့်၊ ထိုအပြုအမူများကို စွန့်လိုက်ကြ။ “စီးပွားတိုးတက်၍ သုခရဖို့ အကျင့်များဟု ကိုယ်တိုင် နားလည်ထားသော အကျင့်အကြံ အပြုအမူများကိုသာ လိုက်နာပြုကျင့်ကြဟု ဟောကြားတော်မူခဲ့ပါတယ်။

ဒါကြောင့် ကျွန်တော်တို့တတွေဟာ အမှားအမှန်ကို ကိုယ်တိုင် ဝေဖန်ပိုင်းခြားနိုင်တဲ့ သူတွေဖြစ်အောင် ကြိုးစားရမှာဖြစ်ပါတယ်။ ဒါမှသာ တကယ့် ပညာအစစ်မှန်ကို တတ်မြောက်သော အများယုံကြည် လေးစားရသော ပညာတတ်တစ်ယောက် ဖြစ်လာမှာဖြစ်ပါတယ်။

လိုအပ်ချက်နှင့် အမှားများရှိပါက ခွင့်လွှတ်နားလည်ပေးကြပါရန်…

အားလုံးသော ဓမ္မမိတ်ဆွေများ ကိုယ်စိတ်နှစ်ဖြာ ကျန်းမာချမ်းသာကြပါစေ။

တောသားလေး

Read more »

Posted in: ဆောင်းပါးများ

*ကြယ်ပွင့်လေးများနားခိုးရာ ကမ္ဘာအတွက် အလှူမှတ်တမ်း*

တို့ကျောင်း

ပန်းကလေးများ ပွင့်တော့မည် ဖူးတံဝင့်လို့ချီ

နေခြည်မှာ ရွှေရည်လောင်း ငါတို့စာသင်ကျောင်း။

ကျွန်တော်တို့ ငယ်ငယ်တုန်းက သင်ခဲ့ရသော ကဗျာလေးဖြစ်ပါတယ်။ ကျွန်တော် သူငယ်တန်းလေးမှ လေးတန်းအောင်သည်အထိ ရွာရှိ မူလတန်းကျောင်းလေးတွင် ပညာဆည်းပူးခဲ့ပြီး၊ ငါးတန်းမှ ကိုးတန်းအထိ ပညာရပ်များကို ရွာမှ နာရီဝက်လောက်သွားရသော တွဲဖက် အထက်တန်းကျောင်းနှင့် တက္ကသိုလ်ဝင်တန်းကိုတော့ အ.ထ.က မြန်အောင်တွင် ဆည်းပူးခဲ့ပါတယ်။ အလယ်တန်းပညာ ဆည်းပူးခဲ့သော တွဲဖက်အထက်တန်းကျောင်းသည် နိုင်ငံတော်အစိုးရ၏ ကူညီထောက်ပံ့မှုဖြင့် ယခုအခါ အထက်တန်းကျောင်းအဖြစ်သို့ ရောက်ရှိသွားပြီ ဖြစ်ပါတယ်။

ကျွန်တော် ငယ်ငယ်တုန်းက တက်ခဲ့ရသော ရွာမှ မူလတန်းကျောင်းလေးသည် ဓနိသက်ကယ်မိုး ၀ါးထရံကာ ကျောင်းလေး ဖြစ်ပါတယ်။ နိုင်ငံတော် အစိုးရ၏ ကူညီထောက်ပံ့ပေးမှုနှင့် ရပ်မိရပ်ဖဖြစ်သော ဦးထွန်းမြိုင်ဦးဆောင်ပြီး ရွာသူရွာသားများ၏ ၀ိုင်းဝန်းကြိုးပမ်းမှုကြောင့် ထိုကျောင်းလေးသည် ယခုအခါ သွပ်မိုး၊ အုတ်ပတ်ကားနှင့် ခန့်ညားထယ်ဝါလာပါပြီ။ သွပ်မိုး၊ ပတ်ကားအဆင့်ရောက်ပြီးသော်လည်း ကျောင်းလေးသည် တံခါးနှင့် အောက်ခြေအခင်းတွေ လိုအပ်ချက်လေးများကြောင့် ပြီးစီးအောင် ဆောင်ရွက်နိုင်ခြင်း မရှိသေးပါဘူး။ ကျွန်တော်၏ ပထမဆုံး ရွာအတွက် ခြေလှမ်းတစ်ခုလို့ ပြောလို့ရသလို ကျွန်တော်စိတ်ထဲတွင်လည်း အဲဒီ လိုအပ်တာလေးများအတွက် ကူညီပေးချင်သော စိတ်များတဖွားဖွား ဖြစ်ပေါ်လာသဖြင့် ပြည်ပတွင် ရှိနေစဉ် သူငယ်ချင်း အသိမိတ်ဆွေများထံမှ အလှူငွေများ ကောက်ခံရန်အတွက် အွန်လိုင်းတွင် အန်တီနှင့် ဆွေးနွေးတိုင်ပင်ပြီး ဆောင်ရွက်ခဲ့ပါတယ်။ သူငယ်ချင်းများနှင့် ကျွန်တော် ဘလော့လေးကို လာရောက်အားပေးကြသော ရင်းနှီးသည့် ဓမ္မမိတ်ဆွေများမှလည်း စေတနာ သဒ္ဓါတရားထက်သန်စွာ ကျွန်တော်ကို ယုံကြည်စိတ်ချစွာဖြင့် အလှူငွေများ ထည့်ဝင်လှူဒါန်းခဲ့ကြပါသည်။ အန်တီတို့မိသားစုမှလည်း အဓိက အလှူငွေများကို ကောက်ခံပြီး ကျွန်တော်ရွာလေးကို ငွေလွဲတဲ့အထိ ကူညီဆောင်ရွက်ပေးကြပါတယ်။ တစ်ဦးကမေတ္တာ တစ်ဦးကစေတနာ ရိုးသားစွာ စိတ်ရင်းဖြင့် လုပ်ဆောင်ကြရင် အရာရာတိုင်းဟာ အောင်မြင်ပါတယ်။ အဲဒီလို အောင်မြင်တဲ့ အသီးအပွင့် ချိုမြိန်စွာ စားသုံးရခြင်းကို ကျွန်တော် အောက်တွင်ဖော်ပြထားတဲ့ စေတနာရှင် အလှူရှင်တွေ၏ စေတနာသဒ္ဓါတရားတွေက သက်သေခံနေပါတယ်။

ပထမအကြိမ် အလှူငွေစာရင်း

တံခါးအလှူရှင်များ

အလှူရှင်အမည်                                          နေရပ်လိပ်စာ    အလှူငွေစာရင်း

၁။ဦးကျော်ကျော်ဌေးလွင် + ဒေါ်သဉ္ဗာလှိုင် မိသားစု     ရန်ကုန်          ကျပ် ၁၀၀,၀၀၀

၂။ဦးသိန်းလွင် နှင့် ဇနီး ဒေါ်တင့်တင့်သိန်း မိသားစု     ရန်ကုန်           ကျပ် ၅၀,၀၀၀

၃။ဦးမင်းသော် + ဒေါ်စန္ဒာခင် မိသားစု                    ရန်ကုန်           ကျပ် ၃၀,၀၀၀

၎။(မောင်ဖြိုးကျော်မင်းအားရည်စူး၍)

ဦးကျော်မင်း + ဒေါ်ရီရီသော် မိသားစု                     ရန်ကုန်           ကျပ် ၂၀,၀၀၀

၅။ဒေါ်ကြည်ကြည်သော် မိသားစု                          ရန်ကုန်            ကျပ် ၁၀,၀၀၀

၆။ ဦးခင်မောင်မြင့် + ဒေါ်နီနီသော် မိသားစု             ရန်ကုန်            ကျပ် ၁၀,၀၀၀

၇။ဦးရဲဆွေ + ဒေါ်ဝါဝါမြင့် မိသားစု                       ရန်ကုန်           ကျပ် ၁၀,၀၀၀

၈။ဦးလင်း + ဒေါ်မြမြသိန်း မိသားစု                      စင်ကာပူ          ကျပ် ၅,၀၀၀

၉။ဆရာ Jan Krogstad (Norway) ကို အမှူးထား၍

မမွန်                                                          နော်ဝေ          ကျပ် ၅၀,၀၀၀

၁၀။ ဦးခင်မောင်သန်း + ဒေါ်ချိုချိုသိန်း မိသားစု        ရန်ကုန်          ကျပ် ၅,၀၀၀

စုစုပေါင်း ကျပ် ၃၁၀,၆၀၀ (ကျပ် သုံးသိန်းတစ်သောင်းခြောက်ရာတိတိ) လွှဲပြီး ၂၇-၄-၂၀၁၁

ကျောက်ပြားခင်းရန်အတွက် အလှူရှင်များ

၁။ဦးလှဖေ+ဒေါ်ကြည်သန်း မိသားစုကောင်းမှု     စင်ကာပူ             ကျပ် ၁၀၀,၀၀၀

၂။သဇင်ရတနာစိန်ဆိုင်                               ရန်ကုန်               ကျပ် ၅၀,၀၀၀

၃။ဦးသက်လွင် + ဒေါ်ယဉ်ယဉ်ညွန့် မိသားစု       ရန်ကုန်               ကျပ် ၃၀,၀၀၀

၎။ဒေါ်မိမိခင်                                           ရန်ကုန်               ကျပ် ၃၀,၀၀၀

၅။မဆုကဗျာ မိသားစု                                 ရန်ကုန်               ကျပ် ၃၀,၀၀၀

၆။ဦးဇော်ဝင်းညွန့်+ဒေါ်နေဝါလှိုင်                    စင်ကာပူ             ကျပ် ၂၀,၀၀၀

၇။မရွှေပြည်သူ                                         စင်ကာပူ             စင်ကာပူဒေါ်လာ SGD 30.00

၈။ဦးပြည်နိုင် + ဒေါ်စုမွန်မြင့်                         သြစတြေးလျ        ကျပ် ၁၀,၀၀၀

၉။ဒေါ်ထွေးထွေး                                       ရန်ကုန်               ကျပ် ၁၀,၀၀၀

၁၀။ ဦးသန်းဌေး + ဒေါ်လှသူဇာ                     ရန်ကုန်               ကျပ် ၅၀၀၀

စုစုပေါင်း ကျပ် ၂၈၅,၀၀၀ (နှစ်သိန်းရှစ်သောင်းငါးထောင်ကျပ်တိတိ) လွှဲပြီး ၂၈-၄-၂၀၁၁

ဒုတိယအကြိမ် အလှူငွေစာရင်း

၁။မောင်ပြည့်ဖြိုးမြတ် + မဟေမန်ဦး                       စင်္ကာပူ             ကျပ် ၄၁,၀၀၀

၂။ ဦးဇော်မင်းနိုင်+ဒေါ်မြတ်သူဇာ မိသားစုကောင်းမှု     စင်္ကာပူ             ကျပ် ၁၀၀,၀၀၀

၃။မရီရီမွန် မိသားစု                                          မန္တလေး            ကျပ် ၂၀,၀၀၀

၎။မကျော့စန္ဒာမြင့်                                           ရန်ကုန်             ကျပ် ၁၀,၀၀၀

၅။ကွယ်လွန်သူ ဦးတင်စော အားရည်စူး၍

ကျန်ရစ်သူမိသားစု ကောင်းမှု                               မြန်အောင်မြို့     ကျပ် ၂၅,၀၀၀

စုစုပေါင်း ကျပ် ၁၉၆,၀၀၀ တိတိ လွှဲပြီး (၂၄-၅-၂၀၁၁)

စေတနာရှင်များ၏ အကူအညီဖြင့် အခုဆိုရင် အလှူငွေ(၃) ကြိမ်လွဲပြီး ရွာတွင် လုပ်ငန်းများကို စတင်လုပ်ကိုင်နေပြီဖြစ်ပါတယ်။ မြန်မာနိုင်ငံကို ကျွန်တော် ပြန်လည်ရောက်ရှိတာနဲ့ အလှူရှင်များဆီကို အလှူမှတ်တမ်းများကိုလည်း အရောက်ပို့ပေးမှာဖြစ်ပါတယ်။ အားလုံးပြီးစီးသွားပါကလည်း အလှူရှင်များ ၀မ်းမြောက်စွာ သာဓုခေါ်ဆိုနိုင်ရန်အတွက် မှတ်တမ်းဓါတ်ပုံများ ငွေစာရင်းရှင်းတမ်းများကို ကျွန်တော် မြန်မာရောက်တာနဲ့ ကြိုးစားပြီး ပိုစ်တင်ပေးပါမယ်ခင်ဗျာ။

ဆရာဦးအောင်သင်းမှ ပညာသင်ယူခြင်းဆိုသည်မှာ လူသားမျိုးဆက်တစ်ခုမှ တစ်ခုသို့ အတွေ့အကြုံ လက်ဆင့်ကမ်းခြင်း ဖြစ်သည်ဟု ဆိုထားပါတယ်။ အဲဒီမျိုးဆက်သစ် လူငယ်ကျောင်းသား အနာဂတ်ကြယ်ပွင့်လေးများဟာ နိုင်ငံအတွက် အဖိုးမဖြတ်နိုင်သော ရတနာလေးများ ဖြစ်ပါတယ်။ အဲဒီရတနာလေးများ နာခိုးရာ ကမ္ဘာဟာလည်း အမိကျောင်းတော်ရာဖြစ်ပြီး အဲဒီကမ္ဘာကို ဖန်တီးပေးခြင်းဖြင့် လောကကြီးက သင်တို့အားလုံးကို ချီးကူးထောမနာ ပြုနေကြမည်ဖြစ်ပါတယ်။ သစ်ရွက်လေးတွေဟာ မကြွေခင်မှာ လောကကို အလှဆင်သလိုပဲ ကျွန်တော်တို့လည်း မကြွေခင် ဝေနေစဉ်ခဏမှာ လောကကို အလှဆင်နိုင်သော အဖိုးတန် လူသားများဖြစ်အောင် ကြိုးစားကြပါဆို့လို့ ဆုတောင်းမေတ္တာပို့ရင်း နိဂုံးချုပ်လိုက်ပါတယ်ခင်ဗျာ။

ရပ်မိရပ်ဖ ကျောင်းအုပ်ဆရာကြီးနှင့် ဆရာ ဆရာမများ ရွာသူ ရွာသား ကျောင်းသား ကျောင်းသူများကိုယ်စား ကျွန်တော် တောသားလေးမှ အန်တီတို့ မိသားစုနှင့် အလှူရှင်များအားလုံးကို အထူးကျေးဇူးတင်ရှိပါကြောင်း ဒီပိုစ်လေးနှင့် မှတ်တမ်းတင် အပ်ပါတယ်ခင်ဗျာ။

(နောက်ဆက်တွဲ အလှူရှင်များကိုလည်း ဆက်လက်ဖော်ပြပေးပါမည်…)

အလှူရှင်များအနေဖြင့် စေတနာ သဒ္ဓါတရား ထက်သန်စွာဖြင့် လှူဒါန်းလိုပါက-

ဆက်သွယ်လှူဒါန်းရန်-

တောသားလေး (tezarmma29@gmail.com) 

အန်တီတင့် (mstint2005@gmail.com)

အားလုံးသော ဓမ္မမိတ်ဆွေများ ကိုယ်စိတ်နှစ်ဖြာ ကျန်းမာချမ်းသာကြပါစေ။

တောသားလေး

Read more »

Posted in: ပရဟိတ

*ဆရာ့ဘ၀ ဆရာ့အလှ*

“တပည့်မရှား၊ တပြားမရှိ၊ ပီတိကိုစား အားရှိ၏”

အဲဒီဆောင်ပုဒ်လေး တကယ်ပဲဗျာ။ ကျွန်တော်ကြည်နူးခဲ့ရတယ်။ ကျွန်တော် ကိုယ်တိုင်ခံစားဖူးတာ။ ရွာကျောင်းမှာ မူလတန်းကလေးတွေကို စာသင်ပေးတော့ ကလေးတွေက ကျွန်တော့်ကို ဆရာလေး ဆရာလေး လို့ခေါ်တယ်။ ဆရာလေးဆိုလို့ သီလရှင်ကို ပြောတာမဟုတ်ဘူးနော်:)။

ဆရာတစ်ယောက်ဖြစ်ဖို့အတွက် စေတနာ၊ ၀ါသနာ၊ အနစ်နာ ဆိုတဲ့ နာသုံးနာ လိုအပ်ပါတယ်။ ဆရာဘ၀ဟာ ရုပ်ဝတ္တုပစ္စည်းတွေ မချမ်းသာပေမယ့် စိတ်အဟာရတွေကတော့ တကယ့်ကိုပြည့်စုံ ကြွယ်ဝလှပါတယ်။ ကိုယ်သင်ကြားပြသပေးလိုက်သော အနာဂတ်မှာ ထွန်းတောက်လာမည့် ကြယ်လေးတွေကို ပြုစုပျိုးထောင်ပေးနေရတဲ့ ဥယျာဉ်မှူးတစ်ယောက်ဖြစ်ဖို့ တော်ရုံတန်ရုံ စိတ်ဓါတ်မျိုးနဲ့တော့ ဆရာ့ဘ၀ဟာ မလှပပါဘူး။

ဆရာများဟာ ကိုယ့်ရဲ့တပည့်ကို ဆရာစားမချန်ဘဲ သင်ကြားပေးပြီး ကိုယ့်တပည့်ကို ကိုယ်ထက်တော်စေချင် တတ်စေချင် သာစေချင်ပါတယ်။ ငါသင်လိုက်တဲ့ ငါရဲ့တပည့်က စစ်ဗိုလ်ကြီးဖြစ်နေပြီ၊ ဆရာဝန်ကြီးဖြစ်နေပြီ၊ အင်ဂျင်နီယာကြီးဖြစ်နေပြီ၊ စီးပွားရေးလုပ်ငန်းမှာလည်း ထူးချွန်အောင်မြင်တဲ့ သူတစ်ယောက်ဖြစ်နေပြီဆို ဆရာရင်ထဲမှာ အတိုင်းမသိ ကြည်နှုးဝမ်းသာပြီး ပီတိဖြစ်ရပါတယ်။ ဥယျာဉ်မှူးတစ်ယောက်ဟာ သူပြုစုပျိုးထောင်ပေးလိုက်တဲ့ ပန်းလေးတွေ ပွင့်လန်းလာရင် ကြည်နူးသလိုပဲ ဆရာ့ရင်ထဲမှာလည်း ခံစားရပါတယ်။

ကျွန်ုပ်တို့ မြန်မာလူမျိုးများက အစဉ်အလာအရ ဆရာကို အနန္တော အနန္တငါးပါးထဲမှာ ထည့်သွင်းထားပြီး အလေးပေး ထားကြခြင်း ဖြစ်ပါတယ်။ ဘာ့ကြောင့် အလေးပေးခံသူအဖြစ် မြန်မာလူမျိုးတို့၏ ရင်ထဲမှာ ရှိနေသလဲ ဆိုရင် မြတ်စွာဘုရားရှင်က ဆရာဖြစ်ဖို့အတွက်လည်း ဆရာကျင့်ဝတ် သို့မဟုတ် ဆရာ့ ဂုဏ်ရည် ငါးပါးကို

“အတတ်လည်းသင်၊ပဲ့ပြင်ဆုံးမ၊

သိပ္ပမချန်၊ဘေးရန်ဆီးကာ၊

သင့်ရာအပ်ပို့ဆရာတို့ကျင့်ဖို့ဝတ်ငါးဖြာ” လို့ ဟောကြားထားခဲ့ပါတယ်။ တစ်နည်းအားဖြင့် ဆရာဆိုတာ အမြဲတမ်း သင်ယူလေ့လာနေရသော ထာဝရ တပည့်ကျောင်းသားကြီး တစ်ယောက်လည်း ဖြစ်ပါတယ်။

ဆရာတွေထဲမှာပဲ ဆရာတစ်ဆူ ဖြစ်တော်မူသော လေးစားအတုယူဖွယ်ကောင်းသော အရှင်သာရိပုတ္တရာ မထေရ်မြတ်သည် မြတ်စွာဘုရားရှင် သာသနာတော်မှာ မြတ်စွာဘုရားရှင်ပြီးလျှင် ပညာအရာမှာ ဉာဏ်ပညာ အကြီးမားဆုံး မထေရ်မြတ်တစ်ပါးဖြစ်ပါတယ်။ သာမဏေငယ်လေးများ၏ ချစ်ခင်မြတ်နိုးအားကိုးထိုက်တဲ့ ဥပဇ္ဈာယ် ဆရာတစ်ဦးလည်းဖြစ်ပါတယ်။ အရှင်သာရိပုတ္တရာ မထေရ်မြတ်ရဲ့ သီလ သမာဓိ ပညာ ဂုဏ်သိက္ခာ ကြီးကျယ်မြင့်မားတော်မူသလောက် မိမိကိုယ်ကို မိမိ နှိမ်ချမှု (နိဝါတမင်္ဂလာ) စိတ်နေသဘောထားကြီးမြတ်မှုမှာလည်း အင်မတန် ကျယ်ဝန်း နက်ရှိုင်းတော်မူလှပါတယ်။ အထင်ရှားဆုံး သာဓကလေးတစ်ခုအဖြစ် အရှင်သာရိပုတ္တရာမထေရ်ဟာ တစ်နေ့မှာ အမှတ်တမဲ့ သင်္ကန်းဝတ်ရုံတော်မူတဲ့ခါ သင်္ကန်းအစွန်းအနားက မညီမညာ ဖြစ်နေပါတယ်။ အဲဒါကို ရှင်သာမဏေဖြစ်စ ၇-နှစ်အရွယ် ကိုရင်ငယ်ကလေးတစ်ပါး (ရှင်ရာဟုလာ) က မြင်တွေ့သွားရာ "အရှင်ဘုရား သင်္ကန်းကို ညီညီညာညာ ၀တ်ရုံသင့်ပါတယ်ဘုရား"လို့ လက်အုပ်ချီပြီး လျှောက်ထားပါတယ်။ အဲဒီအခါ အရှင်သာရိပုတ္တရာမထေရ်က မိမိသင်္ကန်း မညီမညာတာကို သင့်တော်တဲ့နေရာမှာ ကောင်းမွန်စွာ ပြင်ဝတ်ပြီး ကိုရင်ထံ ပြန်လာကာ "ဒီလောက်ဆို သင့်တော်ပါပြီလား"လို့ ဆရာအရာမှာထားပြီး တလေးတစား တုံ့ပြန်တော်မူခဲ့ပါတယ်။ အဲဒီဖြစ်ရပ်ကလေးကို အခြေခံကာ အရှင်သာရိပုတ္တရာမထေရ်မြတ်က နောင်တစ်ချိန်မှာ ယခုလို ဥဒါန်းကျူးရင့်ကာ "ဒီနေ့မှာပဲ သာမဏေ ဖြစ်စ ၇-နှစ်အရွယ် ကိုရင်ငယ်ကလေးက ဆိုဆုံးမလာသည့်ဖြစ်စေ သူတော်ကောင်းတွေရဲ့ ဆိုဆုံးမမှုမှန်သမျှကို ဦးထိပ်တင်ပြီး ခံယူပါတယ်။ ကိုယ့်အမှားကို ထောက်ပြပြီး ဆုံးမသွန်သင်တတ်သူဆရာကို ရွှေအိုးကို လက်ညှိုးထိုး ညွှန်ပြ ပေးသူလို မြတ်နိုးတန်ဖိုးထားပြီး ဆည်းကပ်ပါတယ်"လို့ မိန့်ကြားတော်မူခဲ့ပါတယ်။ ဒါဟာဘာလဲဆိုရင် ကျွန်တော်တို့ငယ်ငယ်တုန်းက သင်ခဲ့ရသော အသီးအောင်တဲ့ စပါးနှံဟာ အောက်ကို ကိုင်းညွတ်ပြီး မအောင်မြင်တဲ့ စပါးနှံကတော့ အလေ့အလွင့်တွေပါတော့ အပေါ်ကို ထောင်တတ်နေတဲ့ စပါးနှံဥပမာလေးလိုပဲဖြစ်ပါတယ်။ သူတော်ကောင်းတွေရဲ့ နှလုံးသားဟာ အမြဲတမ်းနူးညံ့ပြီး ၀ါးရုံပင်မြင့်မြင့်ကြီးတွေလိုပဲ အထက်ကိုပိုမြင့်မားလာလေ အောက်ကို ပိုပြီးတော့ ကိုင်းညွတ်လာလေပဲ ဖြစ်ပါတယ်။

ဆရာတွေဟာ ဘယ်ကျောင်းသားမဆို အဆင့်အတန်းမရွေး ဆိုးသူကို လိမ္မာလာအောင်၊ လိမ္မာသူကို ထူးချွန်ထက်မြက်လာအောင် အမြဲတမ်းမျက်ခြေမပြတ် အကဲခတ် သင်ကြားပေးနေသူတွေဖြစ်တဲ့အတွက် မိဘတွေပြီးရင် ဒုတိယ ဘ၀ကို ပဲ့ကိုင် ထိန်းကျောင်း ပေးနေတဲ့သူတွေလည်း ဖြစ်ပါတယ်။ ဒါကြောင့် ဆရာအနေနဲ့ ဒီကျောင်းသားကတော်တယ် ဒီကျောင်းသားက ညံ့တယ်ဆိုပြီး ခွဲခြားဆက်ဆံနေရင်လည်း ညံ့တဲ့ကျောင်းသား တစ်ယောက်အတွက် ထူးချွန်လာချင်သော စိတ်ဓါတ်ပျောက်ပြီး စိတ်ဒဏ်ရာ အနာကို ပေးမိသလို ဖြစ်တတ်ပါတယ်။ ပုထုဇဉ် လူသားတွေဖြစ်တဲ့အတွက် ကျွန်တော် ကိုယ်တိုင် မူလတန်းမှာ ကလေးတွေကို သင်တုန်းက အိမ်စာလုပ်ခိုင်းတာ လုပ်မလာရင် စိတ်တိုမိတတ်တယ်။ စိတ်တိုလာရင် ပြောဆိုဆူပူမိပါတယ်။ ဒါဟာ ကိုယ့်အတွက်မဟုတ်ဘဲ။ သူတို့လေးတွေရဲ့ ဘ၀လမ်းခရီး ဖြောင့်ဖြူးဖို့အတွက်ပဲ ဖြစ်ပါတယ်။ စာတော်တဲ့သူတွေလည်းရှိပါတယ်။ ခုန အိမ်စာမလုပ်တဲ့ ကလေးကို ပစ်ထားလိုက်ရင် ကလေးရဲ့ဘ၀ဟာ မြောင်းထဲ ရောက်သွားမှာဘဲ။ သူမိသားစု အခက်အခဲကြောင့် လမ်းဆုံးမရောက်ခဲ့ရင်တောင်မှ ကျင်လည်ရသော ပတ်ဝန်းကျင်မှာ အကောင်းဆုံး ဖြတ်သန်းနိုင်အောင်တော့ သင်ကြားပေးရမှာပဲဖြစ်ပါတယ်။

ထူးချွန်ထက်မြတ်သော သူတစ်ယောက်ကို မွေးထုတ်ပေးဖို့အတွက် ဆရာတစ်ယောက်တည်းလည်း မရပါဘူး။ မိဘဆရာပူးပေါင်း ကလေးပညာရေးကောင်း ဆိုတဲ့ ဆောင်ပုဒ်လေးလည်း ရှိပါတယ်။ သုံးနာညီတြိဂံလိုပေါ့ဗျာ။ ညီညီညာညာ ဆွဲထားမှ ကြည့်လို့လှမှာပေါ့။ ထို့ကြောင့် ကျောင်းသားတစ်ယောက်ဟာ ဘယ်ကျောင်းမှာတက်တက် ဘယ်ဆရာနဲ့ပဲ သင်ရသင်ရ ကိုယ်ကိုတိုင်က ကြိုးစားချင်တဲ့စိတ် မရှိဘဲနဲ့တော့ အောင်မြင်တဲ့သူတစ်ယောက် ဖြစ်လာမှာ မဟုတ်ပါဘူး။ အဲဒီလို စိတ်ဓါတ်မျိုးရှိလာတဲ့ကလေးကို ဆရာသမားများကလည်း စေတနာအပြည့်နှင့် မိဘများကလည်း လိုအပ်တာများကို ဖြည့်ဆည်းပေးနိုင်ရင် အောင်မြင်ထူးချွန်သော အနာဂတ်ပန်းကောင်းလေးများ ပွင့်လန်းလာမှာ ဖြစ်ပါတယ်။

ထို့ကြောင့် တြိဂံလေး အနားညီအောင် ဥယျာဉ်ထဲမှ ပန်းကလေးများ လှပစွာ ပွင့်လန်းလာအောင် ဥယျာဉ်မှူးဖြစ်သော မိဘနဲ့ဆရာပူးပေါင်းပြီး ဆရာဘ၀ အလှအပမပျက်အောင် လက်တွဲညီညာ ကြိုးစားကြမည်ဆိုပါရင်ဖြင့် စန္ဒကူးပန်းလေးတွေ၏ ရနံ့လေထဲသင်းပျံ့သလို ဆရာရနံ့တွေလည်း ကမ္ဘာတခွင် သင်းပျံ့မွေးကြိုင်နေမည်ဖြစ်ပါကြောင်း ပြောကြားရင်း ကျွန်တော်ပိုစ်လေးကို နိဂုံးချုပ်လိုက်ပါတယ်ခင်ဗျာ။

လိုအပ်တဲ့အမှားလေးများရှိပါက နားလည်ခွင့်လွတ်ပေးပါရန် မေတ္တာရပ်ခံအပ်ပါသည်။

ပွင့်သောပန်းတိုင်း လန်းဆန်းပြီး ထာဝရ သင်းပျံ့ကြပါစေ။

တောသားလေး

Read more »

Posted in: ဆောင်းပါးများ

*မိသားစုထံပေးစာ…*

ကျွန်တော် ဒီရက်ပိုင်း စာတမ်းဖတ်ဖို့ ပြင်ဆင်နေတာနဲ့ သူငယ်ချင်းတွေဆီ အလည်မရောက်နိုင်ခဲ့သလို ကိုယ်တိုင်လည်း ပိုစ်တွေရေးခြင်း အဆက်ပြတ်သွားခြင်း ဖြစ်ပါတယ်။ 27.5.2011 ရက်နေ့ကတော့ ကျွန်တော်၏ စာတမ်းဖတ်ခြင်း နောက်ဆုံးကမ္မ အဆုံးသတ်သွားပြီ ဖြစ်တဲ့အတွက် ဆရာတော် ဦးဇောတိက ဟောကြားသလိုမျိုး ဘ၀ကျောင်းကို ဆက်လက်တက်ရအုံးမှာ ဖြစ်ပါတယ်။

ကျွန်တော်အခုလို နောက်ဆုံးစာမေးပွဲပြီးတော့ အိမ်ကို လွမ်းမိပါတယ်။ အဲဒီလို လွမ်းတဲ့စိတ်နဲ့ ကျွန်တော့်အတွက် အမှတ်တရလေးလည်း ဖြစ်သွားအောင်၊ အိမ်ကိုလည်းအလွမ်းပြေအောင်ဆိုပြီး မိသားစုထံပေးစာလေး တစ်ပုဒ် ရေးလိုက်မိပါတယ်။ စာမေးပွဲတွေပြီးတိုင်း ကျွန်တော် အမြဲတမ်း ကျွန်တော်၏ မွေးရပ်မြေ ကျေးလက်တောရွာလေးကို ပြန်သွားတတ်ပါတယ်။ အဲဒီလို ပြန်သွားတဲ့အခါ နွေးထွေးပြီး အေးမြတဲ့ မိသားစု အရိပ်အောက်မှာ ခိုဝင်နားနေလိုက်ခြင်းဖြင့် ဘ၀ရဲ့အမောတွေကို ဖြေသိမ့်မိပါတယ်။ ဒီပိုစ်လေးကို ရေးနေတဲ့အချိန်မှာတော့ အခန်းကျဉ်းလေးထဲမှာဘဲ မိသားစုဗလာ ကွန်ပူတာတစ်လုံးဖြင့် စာမေးပွဲနောက်ဆုံးညကို ဖြတ်သန်းနေရပါတယ်။ အဖေနှင့် အမေ သားအောင်မြင်ခဲ့ပါပြီ။ မကြာမီ အချိန်မှာ ကျွန်တော်ချစ်သော အမိမြေမှ နွေးထွေးအေးမြသော ကမ်းလက်များဖြင့် ကြိုဆိုနေမည့် မိသားစု၏ ပျော်ရွှင်မဆုံး ပီတီအပြုံးတွေကို ကျွန်တော်မြင်ယောင်ပြီး ပျော်ရွင်နေမိပါတယ်။

အဖေနှင့်အမေ… ကျွန်တော် ဒီနေရာလေးမှာ အလျဉ်းသင့်တိုက်ဆိုင်ပါသဖြင့် မြတ်စွာဘုရားရှင် ဟောကြားတော် မူခဲ့သော သားသုံးမျိုးဖြင့် မိမိကိုယ်ကို ပြန်လည်ဆန်းစစ် အတွေးနယ်ချဲ့မိပါတယ်။ မြတ်စွာဘုရားရှင်က အတိဇာတသား၊ အနုဇာတသား၊ အ၀ဇာတသား ဆိုပြီး သားသမီး သုံးမျိုးရှိတယ်လို့ ဟောကြားတော်မူခဲ့ပါတယ်။

မိဘတို့ထက် အကျင့်မြတ်တဲ့ သား၊သမီးမျိုးကို အတိဇာတသား လို့ခေါ်ပြီး၊ မိဘတို့နဲ့တန်းတူ ညီမျှတဲ့အကျင့်ရှိတဲ့ သား၊သမီးမျိုးကို အနုဇာတသား လို့ခေါ်ပြီး၊ မိဘတို့အောက် ယုတ်ညံ့တဲ့အကျင့်ရှိတဲ့ သားဆိုး သားမိုက်မျိုးကိုတော့ အ၀ဇာတသား လို့ခေါ်ပါတယ်။

ကျွန်တော်ဟာ သားဆိုးသားမိုက်မျိုး မဟုတ်ပေမယ့် အဖေ၊အမေတို့ထက် အတွေးအခေါ် အတွေ့အကြုံ မပြည့်စုံသေးသဖြင့် အတိဇာတ အနုဇာတ သားအဖြစ် လက်မခံနိုင်သေးဘဲ ရေမပြည့်သေးသော အိုးတစ်လုံးအဖြစ်ဘဲ သတ်မှတ်မိပါတယ်။ ဘ၀ဆိုတဲ့ကျောင်းကို ဆက်လက်ပြီးတက်ရအုံးမှာ ဖြစ်တဲ့အတွက် ကျောင်းသင်ခန်းစာထက် ခက်ခဲသော ဘ၀သင်ခန်းစာများကို အဖေ၊အမေတို့ထံမှ လေ့လာသင်ယြူုပီး အမြဲတမ်းသင်ယူနေသည့် ထာဝရ တပည့်တစ်ယောက်အဖြစ် မပြည့်သေးသော ရေအိုးကို ရေဖြည့်ရအုံးမည် ဖြစ်ပါတယ်။ မပြည့်တဲ့အိုးက ဘောင်ဘင်ခတ်တတ်တယ် ဆိုတဲ့ စကားပုံလေးတော့ ရှိပါတယ်။ မြတ်စွာဘုရားရှင်က-

အပ္ပဿုတော သုတံ အပ္ပံ

ဗဟုံ မညတိ မာန၀ါ။

အသိဥာဏ်နည်းပါးသူသည် မိမိသိသမျှလေးကို အများကြီးထင်၍ မာန်တက်နေသည်လို့လည်း ဟောကြားတော်မူခဲ့ပါတယ်။ ဒါပေမယ့် ကျွန်တော် အဲဒီ“အိုး”လိုမျိုး ဘောင်ဘင်မခတ်ရအောင် ကိုယ်စိတ်ကိုယ် သတိဆိုတဲ့ ချွန်းနဲ့ ထိန်းချုပ်ထားပါတယ်။ ကျွန်တော် ရွာကို ဖုန်းဆက်ရင် ရွာမှာအမြဲမနေတာကြာတော့ တချို့သူတွေကို နာမည်တွေ မမှတ်မိဖြစ်သွားရင် ကျွန်တော့်ကို ဘ၀င်လေဟတ်ပြီး ဘ၀မေ့သွားတာလားလို့ မေးတတ်တယ်။ ကျွန်တော် တောသားလေး ဘ၀မမေ့ပါ။ နွားခြေရာခွက်ထဲက ရေလေးကို သမုဒ္ဒရာထင်မှတ်ပြီး လက်ပစ်မကူးခတ်ပါဘူး အဖေနှင့်အမေ…

အဖေနှင့်အမေ… ဒီစာထဲမှာ တခါတည်း ကျွန်တော် ကျေးဇူးတင်ထိုက်သူအားလုံးကို ကျေးဇူးတင်ကြောင်လေး ထည့်ရေးလိုက်ပါတယ်။ ကျွန်တော် မိသားစုနှင့် ဝေးကွာနေတဲ့အချိန်မှာ ဆရာတော်များ၏ဆုံးမသွန်သင်မှု၊ သူငယ်ချင်းအားလုံး၏ အားပေးမှု၊ အန်တီတင့်၏ သားများနှင့်မခြား သားအရင်းတစ်ယောက်လို အမြဲလိုအပ်တာများကို ဆုံးမသွန်သင် ကူညီဖေးမမှုများ၊ မူလတန်းကျောင်းသားဘ၀မှ ယခုတက္ကသိုလ်ပညာအထိ သင်ကြားပေးခဲ့သော သင်ဆရာ၊ မြင်ဆရာ၊ ကြားဆရာ ဆရာသမားများအားလုံး၏ သင်ကြားပြသဆုံးမမှုများ၊ သုံးနှစ်တာကာလအတွင်း လက်တွဲဖြတ်သန်းခဲ့သော မေဂျာတူညီအကိုများ၊ ဆူပါဗိုက်ဆာတူ အကို၏ ဆုံးမလမ်းညွန်မှုများ၊ အမြဲတမ်း အားပေးတတ်သော ကျွန်တော်၏ အားပေးဖော် အချစ်ဆုံးသူငယ်ချင်း၏ အားပေးမှုများကိုလည်း အထူးပင် ရင်ထဲမှ လှိုက်လှိုက်လှဲလှဲ ကျေးဇူးတင်မိပါတယ်။ ပြီးတော့ ကျွန်တော်၏ ဘလော့ကို ပိုစ်အသစ်မတင်နိုင်သေးလည်း လာရောက်မေးမြန်း အားပေးကြသော စာဖတ်သူ သူငယ်ချင်း မိတ်ဆွေများကိုလည်း အထူးကျေးဇူးတင်ပါတယ်ခင်ဗျာ။

အားလုံးသော ဓမ္မမိတ်ဆွေ စာဖတ်သူ သူငယ်ချင်းများ ကျွန်တော်၏ စိတ်ကူးတည့်ရာ ရေးချင်ရာ ရေးချမိသော မိသားစုထံ အလွမ်းပြေ ပိုစ်လေးမှာ အဆင်မပြေတာ အမှားများရှိပါက ခွင့်လွတ်နားလည်ပေးကြပါရန် မေတ္တာရပ်ခံအပ်ပါသည်။

အားလုံးကိုယ်စိတ်နှစ်ဖြာ ကျန်းမာချမ်းသာပြီး အောင်မြင်သော ဘ၀ကို ပိုင်ဆိုင်နိုင်ကြပါစေ။

တောသားလေး

Read more »

Posted in: ကျွန်တော့်မှတ်စု